包容嘅拉肠

早几日,行过广州市江南大道,见一间粥粉面店,准备点个拉肠食下, 瞄咗下个菜牌,咦,咁都有麻辣拉肠。 大家冇怪小弟孤陋寡闻。有关麻辣拉肠,事后我曾专登求教过度娘,但佢......

  早几日,行过广州市江南大道,见一间粥粉面店,准备点个拉肠食下, 瞄咗下个菜牌,咦,咁都有——麻辣拉肠。

  大家冇怪小弟孤陋寡闻。有关“麻辣拉肠”,事后我曾专登求教过“度娘”,但佢剩识得讲“麻辣鸭肠”,而对“麻辣拉肠”同样系一问三不知。所以,你都咪话呢样嘢唔系新鲜事物喔。

  拉肠,最早系广州荔湾西关人发明嘅一种地方小食。佢秉承咗粤菜用料新鲜、口感清淡嘅特点,所以,烹制比较简单,蒸熟上碟加啲豉油就可以食,属一种淡口味、四季皆宜嘅食物,系最适合喺茶楼慢慢叹嘅一种茶点。

  麻辣,典型嘅川味,主要系用来腌制三鸟、猪、牛、羊等内脏以及做火锅汤底配料,属重口味味道,会食到人“嘘、嘘”声,甚至蒙古佬打仔——大汗沓细汗。喺广州呢种亚热带气候,唔可以多食,因为容易热气。

  传统食物需要传承特点、需要原汁原味,但同样需要创新。宜家洋快餐都卖可乐+油炸鬼嘞,广州拉肠当然可以整到“麻辣+爽滑”,呢啲叫做广州饮食文化嘅多样化同包容性。

上一篇:姜爆鸭子辣子鸡 舌尖上的重庆演绎渝派川味(组图) 下一篇:“送多还少” 两家人闹纠纷报警 巫山大昌4社区发文整治无事酒

水果沙拉

台湾颐宫餐厅特色菜-先知鸭
中国饮食:火锅的吃文化
松茸的做法推荐
中国古代名厨大集
和林羊肉暖锅
麦兜下午茶:菠萝油